Päischtvakanz

An der Päischtvakanz war Fit Kanner Miersch ob Iechternach matt 20 Kanner an eng Sportskolonie. Mir waren matt den Kanner klammen, mir hun Beachvolleyball gespillt an sin um Trampolin gesprong. Den zweeten Dag waren mir d’Kuelscheier besichtegen, eng 100m lang Fielsenschlucht dei stackdeischter ass. D’Fotoen vun der Kolonie fannt dir an eiser Fotogallerie.

Matt denen Klengen waren mir Mamerlayen kuken. Sie hun missen duech deischter Höhlen krauchen an hun zum Schluss nach en Piratenschatz fonnt.

Um leschten Dag vun der Vakanz stoungen Velos-Aktivitéiten um Programm. Dei Grouss sin mam MTB duerch den Besch gefuer an dei Kleng ob der Velospiste.

All d’Fotoen fannt dir an eiser Fotogallerie.

 

Ouschtervakanz 2018

An der Ouschtervakanz haten mir dest Joer nees eng ganz Reih flott Aktivitéiten.
Densdes huet eis den Klammspann Ettelbruck eng flott Klamm-Aktivitéit organiseiert. Hei kruten sie gewisen, wei een den Gurt undeet, wei een den Achter-Knuet mecht an wei een aner Leit sechert. Zwee an Zwee sinn sie geklomm an hun sech geigenseiteg gesechert. Sie hun sech gutt geschlo an sin wieklech immens gutt geklomm. Den Freiden haten mir eng Reit-Aktivitéit, dei wei all Joers immens gutt bei den Kanner ukomm ass. Insgesamt waren et 30 Kanner dei matt dabei waren. Sie konnten Pärd botzen, fidderen, den Suedel undoen an natielech och reiden.

 

An der zweeter Woch waren mir matt 37 Kanner ob Veianen an den Kloterpark. Wei all Joer hunn Kanner sech hei gutt amuseiert.

Zesummen matt denen klengen Kanner vun der Maison Relais hun mir am Mierscher Park eng Schatzsuche gemach.
Matt Hellef vum GPS hun sie dei verschidden Schätz gesicht, alleguer fonnt an och alles giess 😉 Dest Joer haten mir och 1 Ekipp beim Völkerball-Tournoi vum Sportkrees Atert dabei. Sie hunn sech gutt geschloen an konnten eng gutt 6. Platz ereeschen.

Um Enn vun der Vakanz konnten dei Kleng nach alles austesten wat Rieder hatt an rullen konnt (z.b. Trotinetten, Flitzi..).
Fir dei Grouss haten mir nach 2 Schnupperstagen. Emol mam Handball Club vun Miersch an emol mam Squash Club Ettelbruck. Beim Handball waren mir zesummen matt engem Grupp vun der Maison Relais zu insgesamt 17 Kanner. Mir soen dem Handball nachengkeier villmols Merci fir dei flott Aktivitéit. Fir all d’Kanner war et dei eischte Keier wou sie Squash gespillt hun. Sie kruten vum Trainer gewisen wei een d’Raquette hält, wei een en « Drive » oder en « Drop » spillt an zum Schluss hun sie nach Matcher gespillt. Och hei nach engkeier en groussen Merci un den Squash Club Ettelbruck.

 

 

 

 

Hei fannt dir all Fotoen vun der Ouschtervakanz: Fotogallerie

Fuesvakanz 2018

An der Fuesvakanz haten mir nees flott Vakanzenaktiviteiten. Mettwochs waren mir matt 18 Kanner an Piscine Krounebierg, wou sie rutschen, planschen an spillen konnten.

Wei all Joers an der Fuesvakanz stoungen och nees eis Wantersportaktivitéiten um Plang. Donneschdes waren mir matt 45 Kanner ob Schlittschungspiste Beaufort. Et huet immens Spaß gemach. Och d’Kanner dei fir d’eischte Keier dabei waren hun sech gutt geschloo!

Zu Amnéville waren mir matt 35 Kanner. Och hei waren vill Kanner dabei, dei nach nie Ski gefuer sin. Sie hun awer immens schnell geleiert an konnten zum Schluss och den Bierg alleng erof fueren. D’Kanner dei schon fueren konnten, hun sech um groussen Bierg gutt amuseiert!

D’Fotoen vum Ausfluch fannt dir hei: Fotogallerie Fuesvakanz 2018

Allerhelje Vakanz 2017

An der Allerheljevakanz waren mir matt 43 Kanner an Sprangschlass Arena zu Keespelt. Sie konnten hei an enger Haal voller Sprangschlässer sprangen, spillen an sech austoben. Sie waren duerno och alleguer gutt midd 😉

En Dënsden hunn mir zesummen mam Black Star Miersch en Schnupperstage am Basket organiseiert. Vun den 10 Kanner dei matt waren huet sech direkt 1 am Veräin ugemellt. Et huet den Kanner gutt gefall, nach engkeier villmols merci un den Black Star Mersch!

Freides haten mir matt Cycle 1 an Cycle 2 eng flott Schwammaktiviteit an der Piscine Krounebierg. Den Cycle 3 an Cycle 4 huet um Multisport-Turneier zu Hesper mattgemach, wou sie eng exzellente 4. Platz gemach hun. Hei och nachengkeier een grouße Merci un « Hesper Beweegt Sech« !

Summeraktivitéiten 2017

Och dest Joer hun mir nees zesummen matt der Maison Relais Krounebierg & Nic Welter d’Summeraktivitéiten organiseiert. Mir haten dest Joer nees immens vill Kanner déi mattgemach hunn.

Fir d’eischte Keier hunn mir och een Ausfluch matt den Summeraktivitéiten gemach. Mir waren op Huelmes an ob Lorentzweiler, wou mir flott Aktivitéiten ugebueden kruten an Mettes zesummen gegrillt hunn.

Wei all Joer hunn mir d’Summeraktivitéiten an domatt och d’Schouljoer mam Ofschlossfest ausklengen geloos.
Mir soen den Kanner, den Elteren an den Maison Relais’en villmols Merci fir dat flott Joer an dei gutt Zesummenarbescht.
Mir freeën eis ob d’Schouljoer 2017/2018.